CCEI

Меѓународна конференција за бизнис планирање на проекти за енергетска ефикасност и обновливи извори на енергија организирана во Скопје

ccei_admin — Mon, 27 Jun 2011 18:47:18 +0000

Во рамките на програмата Почиста и поефективна индустрија во Македонија, Норск Енерги, Центарот за климатски промени, УНЕЦЕ и Агенција за енергетика, организираат Меѓународна конференција за бизнис планирање на проекти за енергетска ефикасност и обновливи извори на енергија.

Настанот е организиран за учесници од Албанија, Босна и Херцеговина, Бугарија, Хрватска, Србија и Република Македонија на 30 јуни 2011.

Четворица помлади консултанти се одбрани за фаза 3 од компонентата за енергетска ефикасност

ccei_admin — Mon, 27 Jun 2011 18:43:11 +0000

Потпишани се договори со 4 помлади консултанти за ангажман во компаниите кои ќе учествуваат во фаза 3 од компонентата за енергетска ефикасност. Овие 4 консултанти се селектирани од 87 кандидати, и ќе земат учество во проектните тимови кои ќе работат на идентификација на можностите за заштеда на енергија во Вардар Долимит и Сокотаб АД Битола.

Норск Енерги го потпиша Меморандумот за разбирање со Сокотаб АД Битола

ccei_admin — Mon, 27 Jun 2011 18:40:41 +0000

Норск Енерги го потпиша Меморандумот за разбирање со Сокотаб АД , фабрика за преработка и складирање на тутун која се наоѓа на периферија на Битола. Норск Енерги и локалниот партнер во Македонија во рамките на третата фаза од компонентата за енергетска ефикасност ќе соработува со Сокотаб за идентификување на мерки за заштеда на енергија и подобрување на капацитетите на младите консултанти со цел развој на проекти.

Норск Енерги потпиша Меморандум за разбирање со Вардар Доломит ДООЕЛ

ccei_admin — Tue, 24 May 2011 18:31:31 +0000

Норск Енерги потпиша Меморандум за разбирање со Вардар Долимит ДООЕЛ, Гостивар со цел соработка за идентификување на мерки за заштеда на енергија и подобрување на капацитетите на младите консултанти со цел развој на проекти. Проектниот тим кој се состои од помлади консултанти, претставници од компаниите и постари консултанти од Македонија и Норвешка, до крајот на оваа ќе работат на идентификување на можностите за штедење во селектираните технолошки процеси во Вардар Доломит, Гостивар.

Позитивни резултати од проверката на системот за управување со животната средина

ccei_admin — Tue, 03 May 2011 14:15:40 +0000

Во Бетон Штип, Макпрогрес, Виница и Раде Кончар од Скопје во Декември 2010, беше направена мини проверка за систем за управување со животната средина со цел да се провери прогресот и квалитетот на имплементацијата на системот. Компаниите беа дел од програмата која траеше скоро 9 месеци, при што овие компании добија бесплатни консултантски услуги од соодветни македонски консултанти и воедно помош од норвешки експерти.Сите компании се на правиот пат за успешна имплементација, при што сертификацијата на ISO 14001 многу брзо ќе биде направена, вели консултантот на Норск Енерги, г-дин Магнус Лозет. Заедничките напори на компаниите и локалните консултанти, резултираа во правилна и очигледно цврста рутина на менаџментот, која треба да ја осигури понатамошната работа кон подобра животна средина.

Г-динот Лозет беше придружуван од норвешкиот консултант г-дин Витек Новак, кој е акредитиран како аудитор за ISO 14001. Г-дин Новак ги интервјуаираше компаниите и консултатите и ги провери клучните документи и процедури. Испитувањето на откри никакви значајни недостатоци во системот, и г-дин Новак заклучи дека компаниите нема да имаат потешкотии во постигнувањето на сертификацијата кога имплементацијата ќе биде комплетно завршена.

Компаниите добија вредни совети од норвешките експерти за тоа како да продолжат со нивната работа. Г-дин Лозет изјави дека е многу среќен за посветеноста и мотивацијата што беше прикажана од страна на компаниите, и потоа продолжи со пофални зборови за консултантите и нивната изведба за време на проектот.
Сите компании се цел на сертификација кон крајот на пролетта 2011 година.

Затворен е повикот за учество на компаниите

admin — Mon, 28 Feb 2011 18:20:54 +0000

Повикот за компаниите за учество во третата фаза од компонентата за енергетска ефикасност е сега затворен. Добиени се 7 апликации, од кои ќе бидат одбрани 3-4 компании, во зависност од тоа што ќе се работи во компаниите. Ќе бидат изработени и буџети за техничка помош, за кои програмата исто така ќе обезбеди кофинансирање за дел од нив. Ќе биде потпишан Меморандум за разбирање со Генералниот Директор на одбраните компании. Објавувањето кои компании ќе земат учество во програмата е предвидено да биде во Мај 2011 година.

Објавен е повикот за нови компании

ccei_admin — Fri, 11 Feb 2011 12:06:37 +0000

Повикот за компаниии кои можат да учествуваат во третата фаза од компонентата за енергетска ефикасност е отворен денес. Компаниите кои се квалификувани за учество во третата фаза ќе добијат кофинансирање за техничка помош во изработка на проекти за енергетска ефикасност и нивно финансирање. Кликнете овде за апликацијата, во која се наведени придобивките од учеството и другите барања за учество.

Со подобрување на енергетската ефикасност кон подобрување на профитабилноста

ccei_admin — Mon, 31 Jan 2011 22:00:54 +0000

CCEI, во соработка со Стопанската Комора на Македонија, го организираше на 1 февруари вториот семинар за финансиските можности за реализирање на проекти за енергетска ефикасност во Македонија.

Семинарот насловен како Со подобрување на енергетската ефикасност, кон подобрување на профитабилноста, собра повеќе од 50 учесници кои се дел од тешката индустрија во Македонија, релевантни институции и финансиски институции.

Семинар за управување со животна средина

ccei_admin — Sun, 25 Oct 2009 22:00:00 +0000

Семинарот е организиран на 26ти Октомври 2009 година. Главната цел на овој семинар е компаниите да добијат вовед во моменталната и очекувана идна легислатива, можностите за имплементација и сертификација на системите за животна средина и се разбира каков вид на помош може да понуди норвешката програма.

Го очекуваме Вашето присуство, и искрено се надеваме дека ќе ја искористите оваа шанса да научите повеќе за мерките за управување со животната средина со цел намалување на емисиите на стакленички гасови, како многу важен елемент во зголемување на конкурентноста на вашата компанија.

Семинарот ќе се одржи на 26 Октомври 2009 гоидна, со почеток во 09 ч, во Стопанската Комора на Македонија, во сала 1 на петти кат.

Доколку сте заинтересирани за учество, Ве молиме регистрирајте се на: bojana.stanojevska@ccei.org.mk